Due primi documenti importanti sull' "affaire" Quarantano: le dichiarazioni ufficiali e generali della Chiesa sulle apparizioni mariane e il punto di vista popolare sulla questione che interessa una contrada rurale del comune di Oppido Mamertina, tradotto in versi molto effervescenti da Ciccio Epifanio. (Bruno Demasi)
__________________________________________________________________________________
di Ciccio Epifanio
OGNI MISI A’ TRIDICINA,
A LU CHIANU ‘I QUARANTANU,
LA VEGGENTI TERESINA
VENI A PATTU CU L’ARCANU.
LA MADONNA PARRETTERA
NCI CUMPARI, O CHI SCIALATA!
CU LU SULI PE’ LUMERA
MU NCI DUNA ‘NA MBASCIATA.
PIGGHIA NOTA TERESINA
E TRADUCI MANU MANU,
CA LA VERGINI REGINA
NO’ LU PARRA LU TALIANU.
STA MADONNA E’ NU MISTERU,
LA SO LINGUA E’ COSA STRANA
MU DISCIFRA U SO PENZERU,
SAPI SULU 'STA CRISTIANA.
E LA GENTI SENZA ABBENTU,
CENTU MIGGHIA ARRASSU SIA,
MA DI FIMMINI - SPAVENTU !-
NC’ ESTI NA FARRAGONIA.
TUTTI QUANTI MISI A ROTA,
CU ROSARIJI E CANDILI,
PEMMU SENTUNU OGNI VOTA
CA LU PORCU HAVI TRI PILI.
TUTTI NZEMI CHIJI GENTI,
PE’ LU CHIANU E PE’ LA VIA,
MU SI GUSTA A LA VEGGENTI
CU JA CAZZA DI MANIA.
|
TERESINA L’ASSECUNDA
E NCI MMOSTRA LA CHIMERA:
LA MADONNA BELLA E TUNDA
CCHIU’ LUCENTI DI 'NA SPERA.
DONNA ROSA PALERMITI,
CU 'NA VUCI DI MUNTUNI,
ORA GRIDA: “E’ JA’, 'A VIDITI?”
E SI JETTA NGINOCCHIUNI.
A STU PUNTU TUTTI QUANTI,
RIPETENDU ‘A LITANIA,
CU LI CORI E CU LI CANTI
DINNU JA’: VIVA MARIA!
MA 'NU VECCHIU JA’ PRESENTI,
CHI GUARDAVA LU STIJAZZU,
SI MBICINA A CHIJA GENTI
E NCI DICI: “TESTA I CAZZU,
NO’ VIDITI CA VI TIRA
COMU SCECCHI D’A CAPIZZA,
SE NDAVITI VISTA ACCORTA
E NON VI PIGGHIATI I STIZZA,
VI DDUNATI CA LA SPERA,
CHI LUCENTI ‘N CELU MUNTA,
NON E’ MATRI PARRETTERA,
MA E' LU SULI CHI TRAMUNTA!”
PPRESSU MISI A’ TRIDICINA,
A LU CHIANU 'I QUARANTANU,
LA VEGGENTI TERESINA
TORNA A COPPI CU L’ARCANU.
|
